AENEAS logo
 EN | DE | PL | DK | ES | EU | FR
- A B C +
DONOSTIA KRAKOVIA MUNICH ODENSE SALZBURGO





 

Proiektuari buruz

AENEAS Brochure
Zahartzen ari den Gizarte batean Energetikoki Eraginkorra den Mugikortasuna Lortzera Bidean (300-KByte PDF)

AENEAS proiektu europar berria da, eta Energia Inteligentea - Europa (IEE dira ingelesezko siglak) programaren eremuan sartzen da. Attaining Energy-Efficient Mobility in an Ageing Society-ren ingelesezko akronimoa da. [“Energia modu efizientean erabiltzen duen mugikortasunerantz, zahartzen ari den gizarte batean”]. Proiektuak erreferente izan nahi du, ez gehiago ez gutxiago, adineko jendearen hiri-mugikortasunarekin lotutako nazioarteko proiektuentzat.

“Adineko pertsonak eta mugikortasuna” orrialdean aipatzen den bezala, aldaketa demografiko ikaragarriei eman behar die aurre Europak. “Kotxearen belaunaldia” zahartzen ari den bezala, gero eta gehiago dira, ekologiaren ikuspegitik jasangarriak diren hiri-garraiobideak erabili ordez, ibilgailu pribatua erabiltzen duten adineko pertsonak (50 urtetik gorakoak) eta horrek ondorio larriak ditu du eraginkortasun energetikoan.

AENEASek zaharren mugikortasunaren alorreko Europako eragile nagusiak elkarrengana hurreratuko dituenez, garraio jasangarriaren erakargarritasuna areagotu eta adinekoen portaerak aldatzen lagunduko du energiaren ikuspuntutik efizienteak diren garraiobideak erabiltzearen alde. Proiektuan bi jarduera nagusi aurreikusten dira:
 

  • Europako hirien arteko hartu-emanak zahartzen ari den gizartean energiaren erabilera efizientea egiten duen mugikortasuna sustatzeko praktika egokien inguruan. Hartu-emanak “praktika egokien elkartrukerako sarearen” bidez gauzatuko dira; 50 hiri eta erakundek parte hartuko dute eta prestakuntza-tailerrak eta praktikan jartzeari buruzko eskuliburuak izango dira tresnak.

  • Neurri zehatzak hartzea mugikortasunaren gestioaren, prestakuntzaren, kontzientziazioaren eta komunikazioaren alorretan, Europako bost hiritako adineko pertsonek energiaren ikuspegitik eraginkorrak diren mugikortasun-sistemak erabiltzeko aukera izan dezaten eta erabiltzera anima daitezen.
     

AENEASen eremuan, Donostia, Kraków, Munich, Odense eta Salzburg hiriek eta beren gobernu-erakundeek helburu hauek lortu nahi dituzte:

  • Energiaren erabilera efizientea egiten duen hiri-mugikortasunak planteatzen dituen erronkez jabearaztea parte hartzen duten hiri europarretako gizarteari.

  • Arazo horiei irtenbidea emateko eragile nagusiek kontzeptu ez-teknologiko egokiak erabil ditzaten ahalbidetzea.

  • Energia modu efizientean erabiltzeko joan-etorrietarako dauden aukerak (oinez, garraio publikoz, bizikleta pribatuz nahiz publikoz edo kotxea partekatuz) ezagutzera ematea, eta, norbere kotxearen ordez, beste horiek erabiltze sustatzea.

  • Adineko pertsonak heztea garraiobide jasangarriak beren beharren eta aukeren arabera erabiltzeko.

  • Energiaren ikuspegitik jasangarriak diren garraiobideen erakargarritasuna eta segurtasuna hobetzea, eskala txikiko esku-hartze berritzaileen bidez.

Web gune honen edukia ardura egileena da soilik. Ez dator bat, derrigorrez, Europar Batasunaren iritziekin. Europako Komisioak ez du liburuxka honetako informazioaren erabileratik erator daitezkeen ondorioen ardurarik hartzen.