Donostiari buruz

Donostia

Europan den hiririk ederrenetako bat da. Badia txiki batean da, itsasoaren urdina eta inguruko mendixken berdetasuna nahasten diren tokian.

XIX. mendearen bigarren erdian Espainiako gorteak errege-erreginen hondartza aukeratzeak asko markatu zuen hiriaren hazkundea. Hala, arkitektura aldetik kalitate handiko eraikinak eta gune publikoak egin ziren, eta Parisen kutsu handikoa eman zioten Donostiari.

Iberiar penintsularen iparraldean dago, Bizkaiko Golkoaren (Gaskoniaren) ertzean, Frantziako mugatik 20 km baino gertuago. 184.000 biztanle ditu, nahiz eta bere inguruan 400.000 biltzen diren.

Zerbitzuak, turismoa eta inguruetako herrietan diren lantegiak dira Donostiako ekonomiaren muina.

Garraio politika

Badira ia hogei urte Donostia sendo jokatzen ari dela hirian izaten diren joan-etorriak oinez, bizikletaz edo garraio publikoan egin daitezen. Oinez eta bizikletan ibiltzea garraio modutzat jotzeak motorrik gabeko garraio sare bat egitea ekarri du, joan-etorri klase horiei indar handiagoa emateko.

Era berean, garraio publikoarentzako gordetako bide-sarea ere lehen baino handiagoa da. Donostiak du autobus bidaiaritako indizerik handietako bat pertsona eta urteko: 150 inguru.

Pertsona zaharrak eta mugikortasuna

Plan bat dugu kaleen eta udal eraikinen irisgarritasuna egokitzeko. Garraio publiko bertikalaren plan bat ere ari gara abian jartzen, komunikabide hobeak izan daitezen hiriko behe aldearen eta goi aldeen artean, goi aldeetan bizi baita hiriko bizilagunen erdia.
 

Mugikortasuneko Zuzendaritza

Udalaren departamentu honen eginkizuna motorrez nahiz motorrik gabeko mugikortasunarekin lotuta dagoen guztia planifikatu eta gestionatzea da: oinezkoak, bizikleta zaleak, bideak, semaforoak, aparkalekuak (kalekoak nahiz lurpekoak) eta abar.

AENEASen egiten duguna

Proiektu honetan dugun eginkizuna da tokiko koordinazioaz arduratzea eta hiru jardun ildoak bultzatzea, hau da, oinezko joan-etorriak sustatzea, pertsona zaharren eta garraio publikoa, eta pertsona zaharren bide segurtasuna hobetzea.
 

Further information and contact

The city website

Andres Martinez
Andres_Martinez@donostia.org

Maarten van Bemmelen
mvbemmelen@telefonica.net
Tel: +34 971 613714

Donostiari buruz

Garraio politika

Pertsona zaharrak eta mugikortasuna

Mugikortasuneko Zuzendaritza

AENEASen egiten duguna