AENEAS Sarea

Saio elkarreragilea AENEASen barruko lehen prestakuntza lantegian, Krakovian.

Sareko ateak zabalik izango dituzte estatuko eta eskualdeetako kideek, bai eta udal-administrazio eta garraio publikoko operadoreek ere. Erakundeek ere har dezakete parte, hala nola ikerkuntza-institutuek eta herri-ekimenek.

Sareko jardueren barruan, AENEASek bost prestakuntza-lantegi aurkeztu ditu. Lantegi horiek garraioaren plangintza egiten duten teknikariei eta hiri barneko garraioan adinekoekin zuzenean lan egiten duten beste profesionalei begira antolatu ditu. Lantegi horiek Europako hirien artean ezagutzak trukatzea ahalbidetuko dute. Informazioa trukatzeko interes handia piztea espero du AENEASek.
 

Egin zaitez sareko kide eta hasi esperientziak partekatzen!

Ez da ezer ordaindu behar AENEAS Sareko kide izateko. Komunitate informal honetako kide izateak abantaila hauek ekarriko dizkizu:

• Prestakuntza-lantegietan eta trukerako jardueretan parte hartu ahal izango duzu: bost lantegi, amaierako hitzaldi bat eta hainbat bisita egongo dira.

• Lantegi berrietan izena emateari buruzko informazioaren berri inork baino lehen izango duzu.

• ENEASen kontaktuen datu-basera sarbidea izango duzu.

• Hiri eta garraio publikoko operadoreetan, prestakuntza-lantegietara joateko egindako bidaia-gastuen zati bat bueltatzeko eskatzeko aukera izango duzu.

AENEAS Sareko kide izateko, sarean sartzeko inprimakia (110-Kbyte MS Word) bete behar da. Garrantzitsua da erabiltzailearen beharren berri izatea, AENEASen barruan egiten diren trukerako jarduerak antolatu ahal izateko. Ahal bada, gustatuko litzaiguke Adineko Pertsonen Mugikortasunaren eremuan egindako proiektu baten jardunbide egokien deskribapena jasotzea.

AENEAS Sareko kideek proiektuko prestakuntza-lantegietan parte hartzeko aukera izango dute. Hauek dira programaturiko lantegiak:
 

Eman izena lantegian (110-Kbyte MS Word) eta izan AENEAS Sareko partaide.