AENEAS logo
 EN | DE | PL | DK | ES | EU | FR
- A B C +
DONOSTIA KRAKOVIA MUNICH ODENSE SALZBURGO





 

Munichi buruz

Munich

Bavaria Estatu libreko hiriburua da Munich, eta Alemania hegoaldeko metropoli nagusia. 2,5 milioi biztanle inguru bizi dira Municheko metropoli-arean: % 50 hirian eta beste % 50 inguruetan. Municheko eta inguruetako biztanleria etengabe ari da hazten, lan- eta hezkuntza-aukeren bila Municheko eskualde oparora joaten diren immigranteen eraginez. Horrenbestez, hiria gazte samarra da –biztanleen % 23 bakarrik dira 60 urtetik gorakoak–, eta ehuneko hori ez da askorik aldatuko hurrengo urteetan.

Munichi buruzko lehen dokumentua 1158. urtean idatzi zen, Isar ibaia zeharkatzeko zubi bat eraiki zenean. Municheko erdialde historikoa Bigarren Mundu Gerra ostean eraiki zen. Erdialde hori helmuga turistikotzat hartzen da, erosketak egiteko aukera handiak eta azokak ospe handia ematen baitiote Munichi. 2007an, 4,5 milioi turistak baino gehiagok pasatu zuten gaua Munichen, eta beste hainbestek edo gehiagok egun bateko bisitak egin zituzten. Egunik ospetsuena Oktoberfest da, urtean behin bi aste irauten duen jaialdia.
 

Garraioaren egoera Munichen

1,25 milioi biztanle bizi dira, eta egunero 300.000 biztanle lekualdatzen dira lanera joateko. Gainera, urtean 4 milioi bisitari inguru izaten ditu. Bestalde, garraio-areak 384 km koadro hartzen ditu. Hori guztia kontuan izanda, Munichen mugikortasun ezin hobea bermatzea erronka bat da.

Munichek hiri-garapenerako estrategia bat dauka, Perspektiba Munich izenekoa, eta bi helburu ditu:

  • Mugikortasuna hobetzea eta hiriaren erakargarritasuna areagotzea, ekonomia-jardueretarako.

  • Lurraldea eta energia gutxiago erabiltzea, eta emisioak murriztea.

Munichen asmoa da garraio publikoaren sarea zabaltzea eta hobetzea, trafiko itoa arintzea, park&ride sistema areagotzea, bidegorrien sarea zabaltzea, eta zirkulazioaren eta aparkamenduen kontrola sendotzea.

Municheko zirkulazio-planak moduzko banaketa egokitu nahi du, garraiobide iraunkorrenen alde: oinez, bizikleta eta garraio publikoa.

Municheko Garraio Konpainia (MVG) Alemaniako garraioaren bigarren udal konpainia da. Milioi batek baino gehiagok erabiltzen dute metroa, autobusa eta tranbia egunero. Municheko garraio publikoaren sistema oso garatua da, eta energia aldetik eraginkorra; autobus-sareak 435 km-ko luzera du, metro-sareak 86 km-koa, eta tranbia-sareak 71 km-koa. Garraio publikoaren sistema zabaltzeko, etorkizunera begiratu duen garraio-politika bat izan du Munichek; izan ere, berehala onartu du hiri handi batek ondo funtzionatzeko garraio-sistema eraginkorra behar duela. Beraz, ia etxe guztiek dute tren- edo autobus-geltoki bat 400 metroren barruan.

Bestalde, Munichen oso ohikoa da bizikletaz ibiltzea. Municheko Bizikleta Sareaz (1.400 km) eta 45.000 bike&ride instalazioez gain, hiriak hainbat zerbitzu eskaintzen dizkie txirrindulariei: `Call a bike´, Municheko mapa digitalean ibilbideak sortzeko programa bat, eta bizikleta-sareko mapak.
 

Adinekoen mugikortasuna Munichen

Zenbait eragilek zerbitzu bereziak eskaintzen dituzte adineko pertsonen mugikortasunerako:

  • MVV (Municheko Garraio eta Tarifa Elkartea)- prezio berezia egiten zaie adineko pertsonei, eta tarifa horien marketina egiten da publikazioetan eta azoketan. Oztoporik gabe bidaia elektronikoki antola daiteke, eta ordutegien berri ere jaso daiteke telefonotik.

  • Green City e.V.- Bizikletaz ibiltzeko adinekoentzako ikastaroak. 2006ko udaz geroztik, Municheko zenbait auzotan bizikletaz ibiltzeko ikastaroak antolatzen dira; batez ere, adinekoei zuzenduta. Ikastaro horien bidez, adinekoak berriro ere egunero bizikletaz ibiltzen gozatzea lortu nahi da. Gainera, zirkulazioko egoera larrietan aurre egiten eta bizikleta alternatiboei buruzko aurreiritziak gainditzen ikasten dute.

  • Verkehrswacht e.V.- Bide-segurtasunari buruzko eskola.

  • Polizia- Bide-segurtasunari buruzko informazioa eta gizarte-bilerak.

Jarduerak AENEASen

Garraio iraunkorrari buruzko marketin zuzena adineko hiritarrentzat.
Ereduzko proiektuan, 10.000 adinekok gutun bat jasoko dute Municheko mugikortasunari buruzko informazioa eta adinekoentzat interesekoak izan daitezkeen zerbitzuei buruzko informazioa emateko.

Bidaiari, gailu elektronikoei eta energia aldetik eraginkorra den garraioari buruzko informazioa.
Prestakuntza-ikastaro berezi bat diseinatuko da adineko pertsonek bidaiei buruzko informazioa interneten, sakelakoan, txarteldegi automatikoan eta energia aldetik eraginkorra den bidaiarekin (garraio publikoa, auto partekatua, bizikleta publikoa, bidaia-plana bizikletaz internetetik) lotutako beste gailu elektroniko batzuetan kontsultatzen ikasteko. Ikastaro horien bidez, adineko pertsonek bidaia-aukerei buruzko ahalik eta informazio gehien izatea nahi da. Horrela, bidaia bat antolatzen ikasiko dute, eta langilerik gabeko gailu elektronikoekin dituzten oztopoak gainditzen hasiko dira.

Mugikortasunari buruzko prestakuntza adineko pertsonentzat
Prestakuntza-programa sakon bat prestatuko da, eta oinezkoen, txirrindularien eta garraio publikoaren mugikortasuna landuko dute, modu teorikoan eta praktikoan. Modu seguruan eta energia aldetik modu eraginkorrean bidaiatzen erakutsiko zaie adinekoei, talde txikietan jarrita.


Informazio gehiago lortzeko eta gurekin harremanetan jartzeko:

Green City e.V.
www.greencity.de
Posta elektronikoa: andreas.schuster@greencity.de
Tel: (49-89) 8906-6833

Landeshauptstadt München, Kreisverwaltungsreferat
(City of Munich, Department of Public Order)
www.muenchen.de
Posta elektronikoa: johanna.balthesen@muenchen.de
Tel: (49-89) 2332-2442

MVG (Munich Transport Organisation)
www.swm.de
Posta elektronikoa: paul.florian@swm.de
Tel: (49-89) 2191-2450

 

Web gune honen edukia ardura egileena da soilik. Ez dator bat, derrigorrez, Europar Batasunaren iritziekin. Europako Komisioak ez du liburuxka honetako informazioaren erabileratik erator daitezkeen ondorioen ardurarik hartzen.