AENEAS logo
 EN | DE | PL | DK | ES | EU | FR
- A B C +
DONOSTIA KRAKOVIA MUNICH ODENSE SALZBURGO





 

Salzburgori buruz

Picture of Salzburg
Salzburgo

Salzburgo Austriako laugarren hiri nagusia da (150.000 biztanle), eta Salzburgoko Estatu Federaleko hiriburua. Salzburgoko alde zaharra, arkitektura barroko pintoreskoari esker, Alpeen iparraldetik hobekien zaindutako erdigune historikoetako bat da, eta 1997an Gizateriaren Ondare izendatu zuten. Wolfgang Amadeus Mozart da Salzburgoko semerik ospetsuena. Hugo von Hofmannsthalque poeta austriar handiak (Max Reinhardt eta Richard Straussekin batera Salzburgoko Jaialdia sortu zuenak) zera esan zuen: “Salzburgo Europako bihotzaren bihotza da. Iparraldearen eta Hegoaldearen erdibidean dago, Suitzaren eta herri eslaviarren artean”. Kokapen geografikoari esker, zirkulazio-lotune garrantzitsua da.
 

Garraio publikoaren egoera Salzburgon

Salzburgon trolebusen sistema modernoa dago (StadtBus): zortzi linea eta 158,4 km luze den sarea. Gainera, baditu diesel autobusen zenbait linea eta hiru lineako metroa ere. Ia erdigune historiko osoa oinezkoen eremua da, eta hiria oinez ikustera gonbidatzen du. Salzburgok, horrez gain, Austriako bizikleta-sare hoberenetako bat du hirian.

Adinekoen mugikortasuna Salzburgon

StadtBus eta ZGB proiektu batean murgildu ziren 2003an. Proiektu hori garraio publikoan ibiltzen diren adineko bidaiariei zuzendutakoa da, eta ordutik hona hainbat jarduera egin dituzte:

  • Mugikortasunaren eguna

  • Bidaia-ikastaroak, adineko bidaiarientzat

  • Prestakuntza: gidariak, inspektoreak, telefono-informazioko agenteak

  • Autobuseko mugikortasun seguruari buruzko liburuxka

  • Mapa eta ordutegi handiagoak interneten

  • Adinekoentzat ezarritako tarifei buruzko informazioa

  • Kafeak erretiratuen elkarte eta etxeetan

  • Informazio-standak

  • Aurkezpenak biltzarretan

  • Hobekuntzak ibilgailuetan

  • Marketin- eta promozio-jarduerak

Salzburgoko jarduerak AENEAS proiektuan

  • Mugikortasunaren kudeaketa adinekoentzat

  • Garraio publikoaren prestakuntza bidaiarientzat eta gidarientzat (tool boxes)

  • Arakatu zure hiria!

Informazio gehiago lortzeko eta gurekin harremanetan jartzeko

ZGB Zentrum für Generationen & Barrierefreiheit
(Centro para las Generaciones y la Accesibilidad)
Reichenhallerstrasse 6, A-5020 Salzburg
Web-orria: www.zgb.at
Posta elektronikoa: susanne.schinagl@zgb.at

Salzburg AG für Energie, Verkehr und Telekommunikation
Plainstrasse 70, A-5020 Salzburg
Web-orria: www.stadtbus.at
Posta elektronikoa: angelika.gasteiner@salzburg-ag.at

Web gune honen edukia ardura egileena da soilik. Ez dator bat, derrigorrez, Europar Batasunaren iritziekin. Europako Komisioak ez du liburuxka honetako informazioaren erabileratik erator daitezkeen ondorioen ardurarik hartzen.